【DSE Econ 自修5**】如何短短一年連升幾個Grade？2023學生佳績分享
14th 9 月 2023 2023-09-26 0:09【DSE Econ 自修5**】如何短短一年連升幾個Grade？2023學生佳績分享
DSE Econ 自修，真的能取得5**?
DSE經濟是一門挑戰性的科目，但是有方法可以讓溫習和學習更快速。我們收集了10位學生的獨特技巧，他們都利用有效的經濟學習方法，在DSE Econ中升Grade，當中有不少更是Retaker。證明讀好DSE Econ，絕對不會遲。
這10位學生的勵志故事，將能為在為DSE奮鬥的大家帶來啟發。
DSE Econ 勵志故事#1: Retake自修，0上5**
- 👦🏻Name：To Ming Chit Tomy
- 🌟成績：2023DSE retake Econ 由 0 上 5**
- 👻修讀學科：港大牙醫
1. 幾時打算Retake？
最初其實都幾早就初步有呢個計劃，但正式quit到 u就係一月尾二月頭嘅時候。
2. Retake路上遇過咩困難？
最主要嘅問題係比較難專心，加上我份人本身比較懶，有時讀讀下書就做咗其他嘢。
3. Retake Econ有乜心得？(P.S. 你認為Retake Econ最重要嘅係咩？)
我個人覺得呢一科比較重要嘅就係要細心啲，因為佢嘅cut-off都偏高，題目又好多時都偏向簡單，所以唔可以有太多錯漏。
4. 有啲咩說話想法想分享比考今屆retaker
我嘅說話就係可以唔使聽太多其他人嘅說話，有時自己比較清楚自己。
5. 每日嘅時間分佈
我份人比較難專心，所以唔會花咩時間喺睇書度，反而係花大部分時間喺做卷度，咁就比較容易集中（個人嘅小技巧係做卷嘅時候唔使真係寫答案出嚟，而係就咁默念自己個答案出嚟然後就對答案，咁樣可以慳唔少時間🫡）。
DSE Econ 勵志故事#2: Retake自修，0上5**
- 👩🏻Name：Sally Wong
- 🌟成績：2023DSE retake Econ 由 0上5**。
- 👻修讀學科：HKU Dental
1. 幾時打算Retake？
9月開始有呢個念頭，但係12月中先正式開始😅 (決定咗就盡快開始啦）
2. Retake路上遇過咩困難？
好悶，日日不斷重複一樣嘅嘢。而且唔會好似中學咁一大班人一齊努力，有種孤軍作戰嘅感覺。同埋會好驚升唔到分，壓力大過上年好多。
3. Retake Econ有乜心得？(P.S. 你認為Retake Econ最重要嘅係咩？)
一定要操熟pp，econ題目來來去去都差唔多，所以要背熟lq demo，mc除咗知道正確答案點解係啱之餘，亦都要知道點解另外三個答案係錯。pp可以清咗concept先至做，如果唔係就變咗背答案冇乜意義。同埋可以開本錯題簿mark低自己錯咗嘅嘢／重要concept／careless mistakes (econ cutoff極高)
想做下額外Exercise嘅話，可以搵啲名校mock嚟做，carson 平時都有唔少mini mock，有時間建議做下，見識多啲唔同嘅題型。
4. 有啲咩說話想法想分享比考今屆retaker
可以搵一兩個study partner 互相督促，溫到攰溫到頹就大家打下氣，感覺會好好多。
決定咗就盡力，唔好令自己後悔，記住點解會選擇呢條路。
5. 每日嘅時間分佈
12月至3月就9點起身，每日溫5-6hr。4月就6點半起身(習慣返真正考試嘅時間)，每日溫～8hr。
6. 你認為最好係retake幾多科
大約3-4科。你真正花喺每一科嘅時間冇你想像中咁多。又要背書，又要操pp同做額外嘅exercise，考太多科會好難兼顧。
7. 十二月至一月聖誕同新年朋友放假嘅時候會否感到氣餒
聖誕嗰陣我成班friend去咗韓國旅行，自己就留喺香港對住堆past paper，嗰陣應該係最沮喪嘅時候。不過抽少少時間食下飯行下街都ok嘅，chur得自己太盡係會有反效果，間中都要休息下.
8. 支持你嘅一句Quote
不是因為看見希望而堅持，而是因為堅持才看見希望。
加油💪🏻
DSE Econ 勵志故事#3: Retake自修，0上5
- 👦🏻Name：Chan Hoo Hang Michael
- 🌟成績：2023DSE retake Econ 由0上5。
- 👻修讀學科：Imperial College Biomedical Engineering
1. 幾時打算Retake？
Jupas 放榜後
2. Retake路上遇過咩困難？
時間分配的問題，因為我直到一月尾先quit u，溫書的時間唔足夠，有好多嘢需要兼顧，同埋久唔久就會見到同學開心嘅IG story，而感到自卑或者氣餒，影響心情，對我來講呢個係一個最大嘅困難，點樣放下介懷，再次振作而努力，我自己都用咗幾個月嘅時間平靜心態，才踏上正確嘅道路
3. Retake Econ有乜心得？(P.S. 你認為Retake Econ最重要嘅係咩？)
足夠操練同埋正確的學習方向，記住要做好多次PP，詳細地解釋每一題的長答題，運用好答題框架。我自己本身就係二月先加入嘅，仲要好死唔死加入咗精英班，入咗去第一堂乜都聽唔明，我同Carson講咗情況後，佢即刻叫我返去煲睇晒所有嘅片，所以其實我係兩個月內，真正地學晒成個econ syllabus，每個禮拜日都留到成12點，好彩有一班嘅同學同我一齊奮戰，Carson 亦無悔無怨咁幫我哋，我基本上係兩個月內不斷操卷同不斷學新嘅知識，因為缺乏時間嘅關係，所以有部份嘅題目都係靠背誦出來，而唔係寫落去，而節省時間。同埋要培養一啲嘅作答思維，例如見到啲重點字眼，就知道條問題需要啲咩答案，呢個都極其重要。
4. 有啲咩說話想法想分享比考今屆retaker
並非所有野都能夠得償所望，最緊要係要堅持落去，唔好因為一時的挫敗而氣餒，天道酬勤，終有一日會成功。失敗並不可恥，可恥嘅係唔敢面對失敗，怨天尤人，抱怨命運嘅不公。最緊要係穩住情緒，突破過去的自己。
5. 每日嘅時間分佈
由於我淨係修讀兩科，安排時間比較容易，多數係上晝睇片，下晝就操卷囉。
6. 你認為最好係retake幾多科
2科for med or dental. Other uni subject then depends on your resolve. Not more than 4 subject I think.
7. 十二月至一月聖誕同新年朋友放假嘅時候會否感到氣餒
其實我由九月份嘅時候開始期待同屆同學入讀我心儀嘅科目，就自然會感到氣餒。我明白看到自己只差1分的差距，感覺上就像天上地下，沮喪是難以避免的。但是古語有云：”你怯就輸一世”，你要重新振作，抱着破釜沉舟的心態去追求自己的夢想。
8. 支持你的一句Quote
吃得苦中苦方為人上人(雖然老土咗啲)
Michael絕對係今年嘅奇蹟之一，完全無辦法相信二月先開始煲我所有regular嘅片學晒成個syllabus，然之後都可以一take過DSE Econ拎到5+。上面嘅心得分享，大家真係可以仔細睇睇，DSE呢一場遊戲入面，真係勤力勝過一切。🏔️🏔️🙏🏻
導師的話
DSE Econ 勵志故事#4: 2上5
- 👩🏻Name：Sandy Deng
- 🌟成績：2023DSE retake Econ 由 2 上 5。
- 👻修讀學科：HKU BA
1. 幾時打算 Retake？
講真嘅話，其實係 F5 已經有打算，所以第一年冇溫 Econ 去裸考，諗住第二年再考🥲
2. Retake 路上遇過咩困難？
因為屋企有啲事要處理，最後 12 月先開始溫 Econ。太遲開始溫 Econ 同埋太遲搵啱方法讀 Econ，覺得好多野要追好驚好 panic，情緒都好差，會好唔相信自己，aim 得高又好驚自己做唔到。
3. Retake Econ 有乜心得？(P.S. 你認為 Retake Econ 最重要嘅係咩？)
做 paper 係有用的🥹一路都覺得自己要由頭溫一次 syllabus 同埋背到熟先可以開始做 paper。但係不斷讀 notes 效果都唔大，不及做 past paper 咁 effective。我個陣係每個 topic 都有啲嘢唔熟，跟著就做完 by topic 鞏固左每個 topic 嘅嘢再做 by year 就 firm 左好多！
4. 有啲咩說話想法想分享比考今屆 retaker
要搵 Carson！認真的！有心唔怕遲。唔係 hard sell 好真心！Retake 呢條路唔易行，Carson 好有心，係我地幾個 retaker friends 一致公認的！佢會俾好多 support 你，好有耐心真係任問唔嬲，佢會帶你上溫 e 溫得 efficient 啲！個陣面對好多各方面嘅問題好多事情發生，retake 呢一年好多時都會好唔開心好氣餒，但係好彩有補 Carson，會有返啲信心！仲識到啲 retaker friends 一齊溫書一齊 support 大家！
5. 每日嘅時間分佈
我嘅時間分佈好 random，有時差唔多全日都係度溫 Econ，有時全日都溫其他科，有時會樣樣掂下。不過我好需要訓覺，會訓好多個鐘。
6. 你認為最好係 retake 幾多科
我諗都係根據自己嘅需要同埋時間選擇就 ok~
7. 十二月至一月聖誕同新年朋友放假嘅時候會否感到氣餒
其實還好的！因為都要適當放鬆下！我都會見下啲 friend，有時佢哋仲會同我一齊去溫書，又可以一邊見下 friends 同時又會做到野溫下書！
8. 支持你嘅一句 Quote
唔係quote啦就係兩個字自律。我唔係一個自律嘅人啦，都需要呢兩個字remind下自己做返該做嘅嘢！retake冇返學真係要靠自己捉自己做嘢
Sandy一直都好在意過往兩年嘅數據，冇一個人係成功由2升上5+，而佢自己都經常覺得自己唔得。但無謂俾限制自己，記錄就係用嚟打破，破紀錄先型。🫵🏻🫵🏻😈
導師的話
大家覺得0上5**好離地，唔緊要的，可以睇睇sandy由2上5，嚟緊仲有3上5嘅Jerry。Level 2/3 要上到5甚至5，你肯努力跟就可以了，其他交俾我，加油！🏔️
DSE Econ 勵志故事#5: 3上5
- 👦🏻Name：Jerry Wu
- 🌟成績：2023DSE retake Econ 由3上5*。
- 👻修讀學科：MU Physio
1️. 幾時打算 Retake？
上年考完 DSE 就知自己唔會考得好，嗰陣已經有 retake 嘅念頭，到最後 jupas 派咗科自己冇乜興趣嘅科，讀咗一個月發覺真係唔想讀，然後 9 月尾就決定 quit u retake。我做呢個決定嘅時候個人係有啲鑽咗牛角尖，不過而家諗返係冇後悔嘅。
2. Retake 路上遇過咩困難？
由考完 DSE 到決定 retake 都隔咗接近半年，開頭用咗都幾多時間 pick up 返啲嘢。我唔係一個好自律嘅人，retaker 理應比其他考生多時間，但係最後都搞到有啲趕。
然後 retake 嘅時候冇啊 sir Missy 日日畀 test，亦都冇一大班人一齊奮鬥，好容易就會冇晒動力去温書，所以去到最後我温書嘅最大動力係想喺 dse.economics 有一個自己嘅 post 😂
3️. Retake Econ 有乜心得？(P.S. 你認為 Retake Econ 最重要嘅係咩？)
最重要係清楚明白全部 concepts 之後再操 past paper。
上堂嘅時候專心其實已經會記咗一大部分入腦，之後再温返 Carson 嘅 notes，再跟 mcq flow 同 LQ demo 做 by-topic mc&lq，慢慢就會變成 muscle memories，見到嗰個題型自然會知點答。因為我好懶，所以冇寫錯題簿，但係做完 by-topic lq 同 full set pp 之後會跟據返每年嘅 marking scheme 去 modify 返 LQ demo。
另外，唔會因為 mc 高分而忽略 lq，lq 考得唔好隨時跌一兩隻 grade。
4️. 有啲咩說話想法想分享比考今屆 retaker
選擇得 retake 代表你已經 all in 所有嘢，無論幾辛苦都要捱埋佢，不過除咗温書之外都可以做下運動放鬆下，如果唔係真係會頂唔順。
仲有考之前要 aim 5**，用盡全力去温書，考完之後要做好期望管理，”If you expect disappointment, then you can never be really disappointed.” 所以我放榜之前淨係預計自己一分都升唔到或者淨係升到 1-2 分 🙂
你有勇氣為自己嘅夢想再一次挑戰 DSE，無論結果係點，你都已經係最叻嗰個，盡咗當刻最大嘅努力就可以了，共勉之！
5️. 每日嘅時間分佈
未quit u之前我就日日返poly liba 朝8/9晚6/7咁温，quit咗之後我冇set 仼何timetable，嗰日想温咩就温咩，每日大概温1-6個鐘，温到悶就轉温另一科，然後3月中就開始做by year pp同埋較返好個生理時鐘6點幾7點幾就起身做pp，晏晝就對返答案寫返好LQ demo，温返唔熟嘅部分。
6. 你認為最好係retake幾多科
視乎你想入嗰科嘅requirement去揀retake幾多科同retake咩科，除非你係好自律嘅人，就可以揀4-5科，如果唔係就最好係1-3科。
7. 十二月至一月聖誕同新年朋友放假嘅時候會否感到氣餒
會呀，所以我成個12月每日都淨係温0-3個鐘，其他時間都喺度無所事事。一月嘅時候有揾一兩日去玩，之後就開始勤力返。
8. 支持你嘅一句Quote
唔想再一次經歷上一年嘅失落🫡
DSE Econ 勵志故事#6: 4上5*
- 👦🏻Name：Larry Li
- 🌟成績：2023DSE retake Econ 由4 上5*。
- 👻修讀學科: UST B&M
1. 幾時打算 Retake？
本身考完中文之後已經知道炒咗，之後落去其他科都無心機考，嗰陣時已經有 retake 嘅打算，放榜之後成績不似預期，中文2咗跛腳，就開始 retake 之路。
2. Retake 路上遇過咩困難？
自己身邊啲朋友入哂 u，同佢哋好似脫左節，人哋身份係大學生，我就乜都唔係。然後日日都做緊重覆嘅嘢，讀讀下都會不斷質疑自己 retake 嘅決定係唔係正確，個人好迷失。
3. Retake Econ 有乜心得？(P.S. 你認為 Retake Econ 最重要嘅係咩？)
Econ 呢科啲嘢本身唔係難，所以呢科 cut off 勁高，淨係識 concept 遠遠唔夠，要熟悉答題框架，見到呢題嘅題型要即刻諗起要答咩。然後做 pp 係重中之重，19 開始到 23 嘅 pp 比起舊時 pp 更具參考價值，19 年開始嘅問法開始唔同咗，無得俾學生盲目操練，要求學生運用 concept 隨機應變。
4. 有啲咩說話想法想分享比考今屆 retaker
揀得 retake 呢條路本身就係個賭搏，預咗呢條路一定俾起其他黎得辛苦，真係要秉持 go big or go home 嘅心態，無人話 retake 一定會成功，付出同收穫係唔成正比，但放棄就一定會失敗，回望過去你會多謝當初咁努力嘅自己。
5. 每日嘅時間分佈
唔建議大家學，我去到 2 月都係 4 點先開始溫，摺喺明道到凌晨先走，個生理時鐘係錯哂。每個人嘅時間分佈都唔一樣，你 feel comfortable 就可以了，去到 3 月就開始 tune 返好，朝早做份 pp 令自己開始習慣朝早考試嘅模式，為之後考 dse 做好準備。
6. 你認為最好係 retake 幾多科
視乎你想入嗰科嘅 requirement 去揀 retake 幾多科同 retake 咩科，除非你係好自律嘅人，就可以揀 4-5 科，如果唔係就最好係 1-3 科。
7. 十二月至一月聖誕同新年朋友放假嘅時候會否感到氣餒
會呀，所以我成個12月每日都淨係温0-3個鐘，其他時間都喺度無所事事。一月嘅時候有揾一兩日去玩，之後就開始勤力返。
GO BIG OR GO HOME
DSE Econ 勵志故事#7: 2上5
- 👦🏻Name：Don Luk
- 🌟成績：2023DSE retake Econ 由4 上 5*
- 👻修讀學科：Polyu M&M
Certainly! Here’s the text formatted with numbered headings and using Markdown syntax:
1. 幾時打算Retake？
上年JUPAS放榜後，JUPAS嘅OFFER未如理想，思量過之後就决定retake。
2. Retake路上遇過咩困難？
有啲concept聽/上堂嘅時候時候明，但實戰嘅時候(做卷)用唔返出黎。
題目改左小小嘅提問字眼/形式就唔知佢背後想考我咩concept。
開頭進步好明顯，之後開始遇到樽頸位。
3. Retake Econ有乜心得？(P.S. 你認為Retake Econ最重要嘅係咩？)
Mark低做錯嘅題目，隔一段時間後再做返。
Mc每一個option都要自己prove一次點解佢係或者唔係正確答案，唔好搵到正確答案就算。
接觸多啲唔同類型嘅題目/題型e.g. Carson自己出嘅modified mock，如果唔係考DSE嘅時候遇到新題型就唔識應對，如果因為咁樣而失手跌左個Grade就唔抵。
4. 有啲咩說話想法想分享比考今屆retaker
改變你嘅心態，要更加主動，否則Carson都幫你唔到，遇到唔識嘅問題即刻問人(但pastpaper嘅問題睇左carson啲解題片先，唔識先再問。)
把握每次實戰嘅機會e.g. Carson嘅free workshop，當初centre由旺角搬到佐敦，距離我屋企遠咗好多，每次出門口嘅時候都會猶豫究竟去唔去好，係呢個時候，我會提醒自己點解當初選擇retake，自己背負左幾多人嘅期望，retake嘅時候感到迷惘係無問題嘅，但你唔可以俾呢種無力感吞噬你，嘗試沉澱一下自己嘅思緒，搵返適合自己嘅節奏。
5. 每日嘅時間分佈
自己就每温兩個鐘休息半個鐘，retake開段嘅時候唔需要太chur著，如果唔係去到中、後你情緒會崩潰，例如開始質疑自己每日死讀爛讀究竟係為左啲咩，讀書時間隨著retake嘅不同階段開始疊加上去係最理想的。
6. 你認為最好係retake幾多科
我會話兩至三科係最適合嘅，對於大部分人黎講，retake 3科以上只會兩頭唔到岸，retake一科除非你好肯定嗰科retake完之後實升到分，否則唔建議，retake兩至三科最有彈性啲。
7. 你有冇喺聖誕到新年假期期間，見到朋友放假就覺得氣餒？
唔止聖誕節，平日見到朋友喺社交媒體post住佢哋嘅大學生活，都會覺得氣餒。但要從另一個角度去睇，用呢啲嘢做為retake嘅動力，人類通常對於唔可以直接體驗嘅嘢都會有幻想，而呢啲幻想嘅內容通常係正面嘅。
8. 一句勉勵嘅名言/鼓勵嘅話畀你：
“成功不是終點，失敗不是致命，繼續前進嘅勇氣才最重要。” – Winston Churchill
2024 DSE Retaker / Dser 加油，猶其係用中文讀econ嘅師弟師妹，師兄做得到，我相信你哋都一定得，相信自己就已經足夠。
DSE Econ 勵志故事#8: 4上5
- 👦🏻Name：Tsang Yiu Kwun Alex
- 🌟成績：2023DSE retake Econ 由 4上 5*。
- 👻修讀學科：物理治療
1. 幾時打算Retake？
九月
2. Retake路上遇過咩困難？
放榜嗰陣有啲唔甘心所以想再考一次，但嗰陣已經有大學offer，所以最後一邊讀大學一邊retake，變相冇咩時間溫書
3. Retake Econ有乜心得？(P.S. 你認為Retake Econ最重要嘅係咩？)
概念 >> 操 by-topic, by-topic >> 錯題薄 >> 用概念解釋錯誤
4. 有啲咩說話想法想分享比考今屆retaker
三思。你需要極高既自律性。而且下年開始好多科都有好大嘅改變。
5. 每日嘅時間分佈
我得閒就做past paper，冇計到幾多時間
6. 你認為最好係retake幾多科
3科max
7. 十二月至一月聖誕同新年朋友放假嘅時候會否感到氣餒
我冇，反而建議retakes可以睇吓想入嗰一間大學嘅hall 或者Soc Ig。多姿多彩校園生活嘅Highlight 可以激勵到自己
8. 支持你嘅一句Quote
Stress didn’t come from hard work, stress primarily comes from not taking action over something that you have some control over.
DSE Econ 勵志故事#9: 4上5*
- 👩🏻Name：Teresa Mak
- 🌟成績：2023DSE retake Econ 由 4 上 5*。
- 👻修讀學科：UST B&M
1. 幾時打算Retake？
2022年1月>< 我比較奇怪少少 喺考之前已經想retake。
Long story short就係高中因為身體狀況冇點好好上堂浪費咗好多時間。
喺學校讀得唔係幾好，跟唔上之餘又補唔翻以前miss咗嘅進度。🥲
再加上覺得自己未ready好讀u所以想讀多一年。(›´-`‹ )
2. Retake路上遇過咩困難？
可能係各種unexpected situations(? 例如健康問題。🤣
即使retake之前有預想過可能會出現嘅問題/困難，但都總會有休息、調整，失去咗啲讀書嘅時間，都幾可惜haha
3. Retake Econ有乜心得？(P.S. 你認為Retake Econ最重要嘅係咩？)
清concept同做pp！22dse嗰陣自己成日以未清完concept為由唔做pp。結果mc得30/45🫠今年keep住上完堂就做by topic 效果好好多，時間許可嘅話可以整錯體簿jot低自己經常性錯嘅concept，再喺隔離嘗試用自己嘅文字解釋畀自己聽~
4. 有啲咩說話想法想分享比考今屆retaker
一旦決定咗retake就專注喺自己嘅目標，唔好畀其他嘢分散自己注意。最好嘅話form一個study grp同其他retaker一齊溫書、互相監督。知道有同伴一齊努力係有火好多的，加油！ʕ•̀⤙•́ ʔ🔥
5. 每日嘅時間分佈
少至0hrs多至12hrs 視乎當日狀態;-;
最好都係每日穩定咁溫6-8hrs 有助long term memory。
6. 你認為最好係retake幾多科
因人而異，如果有啲科係咁啱失手考差過平時嘅話當然應該retake。不過overall唔建議take多過4-5科，個人覺得會好難分配時間。
7. 十二月至一月聖誕同新年朋友放假嘅時候會否感到氣餒
身邊嘅frd/屋企人都好supportive好關心我，所以比起感到氣餒更多嘅係感激同動力。
8. 支持你嘅一句Quote
Do your best for anything you love ♥︎
